مچ آ ملک اٹی 24 گھنٹہ ٹی 39 ہزار 387 کورونا ٹیسٹ، مثبت کیس آتا کچ 0.61 درسد ئس، وزارت قومی جان جوڑی

اسلام آباد۔ 13 دسمبر (اے پی پی) وزارت قومی جان جوڑی سروسز پارینے کہ مچ آ ملک اٹی 24 گھنٹہ ٹی 39 ہزار 387 کورونا ٹیسٹ کننگا، مثبت کیس آتا کچ 0.61 درسد ئس۔ وزارت نا کنڈآن جاری ٹویٹ نا رداٹ 24 گھنٹہ ٹی مچ آ ملک اٹی 39 ہزار 387 کورونا ٹیسٹ کننگا ہرافتیان 244 بندغ آتا ٹیسٹ مثبت بس، ہنداوڑ کورونا ٹیسٹ انا مثبت بننگ ناکچ 0.61 درسد ئس۔ داوخت آ کورونا دین انا سوب آن زوال کروک آتا کچ ءِ 6 ریکارڈ کننگا۔