اسلام آباد۔ 13 دسمبر (اے پی پی) پاکستان اٹ ملائیشیا نا براہ راست زرکاری ٹی برجامالی سال اٹی تدوک آ مالی سال انا ہند امد انا مقابلہ ٹی نمان ودکی ریکارڈ کننگانے۔ اسٹیٹ بینک آف پاکستان، ایس بی پی و زرکاری بورڈ انا دادیوان آن جاری کروک حساب وکتاب نا رداٹ جولائی آن ہلیس اکتوبر اسکان نا مد اٹی پاکستان اٹ ملائیشیا نا براہ راست زرکاری ناکچ 16.1 ملین ڈالر ریکارڈ کننگا ہرا تدوک آ مالی سال نا ہندا مد انا مقابلہ ٹی 89.41 درسد زیات ءُ۔ تدوک آ مالی سال نا ہندا مداٹی ملائیشیا نا براہ راست زرکاری نا کچ 8.5 ملین ڈالر ریکارڈ کننگاسس۔ اکتوبر نا تُو اٹی ملائیشیا نا کنڈآن 1.5 ملین ڈالر نا براہ راست زرکاری ریکارڈ کننگا۔ مالی سال نا اولیکو چار تُو اٹی پاکستان اٹ براہ راست درملکی زرکاری نا کچ 423.7 ملین ڈالر ریکارڈ کننگانے ہرا تدوک آ مالی سال نا ہندا مد انا مقابلہ ٹی زیات ءُ۔ تدوک آ مالی سال انا ہندا مد اٹی پاکستان اٹی براہ راست درملکی زرکاری نا کچ 323.9 ملین ڈالر ریکارڈ کننگاسس۔
