لاہور ۔12دسمبر (اے پی پی): بنجاھی وزیر اھوالکاری ءُ شنگ کاری چوہدری فواد حسین ءَ گوشت کہ الیکشن کمیشن ءِ اولی فیز ءَ ٹوھیں سیاسی گل آنی فنڈنگ ءِ جیڈھ الس ءِ دیم ءَ ایر بکنت، ن لیگ ءُ پی پی پی ءِ کرا فنڈنگ ءِ اچ ریکاٹ نیست انت، ن لیگ ءِ 2013 ءَ بگر تاں وھدیکہ پیپلز پارٹی ءِ 2009 ءَ چہ 2012 ءَ تاں فنڈنگ ءِ ریکاٹ نیست انت۔ نواز شریف ءَ 2013 ءَ 10 کروڑ کلدار ن لیگ ءَ را پنڈگ داتگ ، اے زر آں چہ 4 کروڑ 50 لکھ کلدار ن لیگ ءَ نواز شریف ءَ را واپس روان داتگ۔ بنیاتی رنگ ءَ ن لیگ ءِ اکاونٹ ءِ ڈنگی کتگیں زر آناں ساپ ءُ پلگار کنگ ءِ وا ستہ کارمرز کنگ بوتگ، ٹی ایل پی ءُ جے یو آئی ءِ فنڈنگ ءِ ھوالگ ءَ ھم بُکگ است انت، پیپلز پارٹی ءِ الیکشن مڈگ دوریں گپ ات پنجاپ ءَ کس آوانی ٹکٹ ءِ زورگ ءِ واستہ تیار نہ انت۔ مزن وزیر ءَ گوادر ءَ ریلی ءِ السی لوٹ ءِ سر ءَ نوٹس زرتگ۔ مزن وزیر عمران خان بلوچستان ءَ جیڈھ آنی گیواری ءَ را اول سرئی بنیات َ گیوار کنگ لوٹ ایت۔ اےھیالانی درشانی آئی ءَ ادا پریس کانفرنس ءَ گوں گشتانک دیان ءَ کت اے موہ ءِ سر ءَ وزیر ءِ مملکت اھوالکاری فرخ حبیب ھم ساڑ ی ات۔ چوہدری فواد حسین ءَ گوشت کہ مزن وزیر گوادر ءَ ریلی ءِ السی لوٹ ءِ سر ءَ نوٹس زرتگ۔ مزن وزیر عمران خان بلوچستان ءِ جیڈھ آنی گیواری ءَ لوٹ ایت۔ آئی ءَ گوشت کہ مزن وزیر ءَ بلوچستان ءِ واستہ 700 ارب کلدار ءِ تاریخی پیکیج داتگ۔ ایران ءِ سیم سر آنی سر ءَ تجارتی جاور جیڈھ آنی کمو باز آماچ انت۔ اوگانستان ءِ جاور ھال آں چہ پد ما توامیں سیم سر آنی سیکورٹی ءَ را کمو ترند کتگ پمشکہ سیم سر آنی نزیک گورے مردم آنی ضلورت ءِ سامان آنی لوٹ ءُ رسگ ءِ تہ ءَ جیڈھ پیداک بوتگ، ما اے جیڈھ آنی بابت ءَ شر سرپد آں۔ گوستگیں حکومت آں ایوک ءَ گوادر ءِ دکہ ءِ بابت ءَ ایوک ءَ گپ کتگ۔ بلے بنیاتی جیڈھ آنی سر ءَ اچ چمشانک نہ داتگ ، آپ توان ءُ ایندگر بنیاتی ضلورت ءِ منصوبگ آنی کمو اوشت اتکگ گڈا آھودا زبھری ءُ ڈکال ودی بوتگ۔ چوہدری فواد حسین ءَ گوشت کہ مزن وزیر ءَ بلوچستان ءِ حکومت ءُ سیادی داروکیں ادارگ آنی جیڈھ آنی سر ءَ تران کتگ، آئی ءَ گوشت کہ انشاء اللہ زوت جیڈھ گیوار بنت۔
