اسلام آباد۔12دسمبر (اے پی پی):صدرمملکت ڈاکٹر عارف علوی ءَ جتا جتائیں داکیہ آنی تہ ءَ شہید بوھوکیں پاک فوج ءِ ورنا آنی گس ءِ مردم آں گوں رابطہ کت ءُ بے دروریں قربانی ءُ راج ءِ واستہ ازمت کنگءِ پد ءَ شہید ءَ را توسیپ ءُ ستا پیش کت ءُ گس ءِ مردم آنی واستہ سگ ءُ اوپار کشی ءِ واستہ دعا ءِ نیک کت۔ ایوان ءِ صدر ءِ نیمگ ءَ جاڑی بوتگیں بیان ءِ رد ءَ صدر ءِ مملکت ڈاکٹر عارف علوی ءَ 6 دسمبر ءَ ہیلی کاپٹر واکیہ ءَ چہ شہید بوھوکیں میجر راجہ ذیشان جہانزیب ءُ میجر محمد عرفان برچا ءِ گس ءِ مردم آں گوں اپسوزی ءِ درشان کتگ۔ صدر ءِ مملکت ڈاکٹر عارف علوی ءَ 27 نومبر ءَ گوریچانی وزیرستان ءَ شہید بوھوکیں فوجی ورنا ءِ گس ءِ مردم آناں ٹیلی فون ءِ سر ءَ رابطہ کت ءُ شہید بوھوکیں مردم آنی درجگ آنی برز ءُ بلندی ءِ واستہ دعا ءِ نیک کت۔
