میانوالی۔11دسمبر (اے پی پی): مزن وزیر عمران خان ءَ گوشت کہ پاکستان ءِ پسیلہ السی واھشت آنی رد ءَ کنگ بنت، جیڈھ آنی گیواری ءِ واستہ درستاں گوں گپ کنگ ءَ تیار آں، کانود ءِ سروکی ءَ ابید راج تباہ بنت، ملک ءَ چہ ڈنگی جنوک آناں این آر او نہ دیاں، ءُ ناں کہ آواں گوں تپاکی کناں، جوانیں ءُ سیولائزڈ چاگرد آنی تہ ءَ دز آں گوں ڈیل کنگ نہ بیت، وھد سہرا کنت کہ راج ءَ را مایوس نہ کناں، گوستگیں وھدے حکومت آں گریب آنی بابت ءَ سسا نہ کتگ۔ مئے پنچ سالی دور ءِ حکومت ءَ گریب ءُ بزگریں دمگ آنی سر ءَ درستاں چہ گیش دیمروئی بوتگ۔ گران بھائی ءِ جیڈھ سرجمیں دگنیا ءِ جیڈھ انت ، گران بھائی ءِ درستاں چہ مستریں سبب کورونا ءِ ایگ انت۔ مزن عمران خان ءَ شمبے ءِ روچ ءَ میانوالی ءَ السی مُچی ءَ گوں گشتانک دیان ءَ کت۔ اے موہ ءَ آئی ءَ مچی ءِ جاہ ءَ گوں وتی ءُ باسک آنی نیام ءَ گستائی رھبند پد ءُ رند کت انت۔ آئی ءَ گوشت کہ باسک انی ھاسیں شگر ءُ منت ءَ گراں کہ مرچی من مزن وزیر آں گڈا درستاں چہ گیش کرد میانوالی ءِ باسک آنی انت۔ مزنوزیر ءَ ورنا آنی سر ءَ زور پر دات کہ آیوکیں بلدیاتی الیکشن ءِ تیاری بکن انت ءُ گچین کاری ءَ گیشاں چہ گیش بھر زوری بکن انت۔ ایشی ءَ چہ پیسر میانوالی ءَ پجگ ءِ پد ءَ مزن وزیر عمران خان ءَ السی گہبود ءِ ھاترا اربانی کلدار ءِ جتا جتائیں میگا دیمروئی منصوبگ آنی بنگیج کت ءُ بن ھشت ایر کت۔ مچی ءَ گوں سر وزیر پنجاپ سردار عثمان بزدار ءُ راجی اسمبلی امجد علی خان ءَ ھم گشتانک دات۔ مچی ءَ میانوالی ءَ ھوار دمگ ءِ الس ھاسیں رنگ ءَ ورنا آں بھر زوری کت۔
