فیصل آباد۔11دسمبر (اے پی پی): وزیر ءِ مملکت اھوالکاری ءُ شنگ کاری فرخ حبیب ءَ گوشت کہ حکومت مزن وزیر عمران خان ءِ وژن ءِ رد ءَ ملک ءَ جوانیں ءُ دگنیا ءِ گہتریں یونیورسل ہیلتھ انشورنس سسٹم آرگ آں ءُ 31 دسمبر ءَ چہ مارچ ءَ تاں ملکی آباتی ءِ 60 درسد پنجاپ ءِ 12 کروڑ ھاندان آناں ہیلتھ کارڈ پجاری کنگ بیت۔ وھدیکہ ڈی جی خان ، بہالولپور ءُ ساہیوال ڈویژن ءِ آباتی ءَ اولی ہیلتھ کارڈ پجاری کنگ بوتگ ایشی ءَ چہ ھمک ھاندان ءَ را 10 لکھ کلدار ءَ تاں وتی پسند ءِ ہسپتال ءَ وتی پسند ءِ ڈاکٹر ءَ چہ مفت ءُ جوانیں علاج ءِ آسراتی رسیت۔ آ شمبے ءِ روچ ءَ پنجاپ میڈیکل کالج (فیصل آباد میڈیکل یونیورسٹی) ءِ 14 چاردھمی کانووکیشن ءُ ایم بی بی ایس ءُ بی ڈی ایس ءَ جوانیں پوزیشن در جنوکیں فارغ التصیل ڈاکٹ4رز ءَ میڈلز ، ڈگریز ءُ سرٹیفیکٹس بھر ءُ بانگ کنگ ءِ مراگش ءَ گوں گشتانک دیان ءَ کت۔
