اسلام آباد۔11دسمبر (اے پی پی): مزن وزیر ءِ ھاسیں کمکار برائے سیاسی رسانک ڈاکٹر شہباز گل ءَ ٹانک ءَ پولیو ٹیمب ءِ سر ءَ ارش ءَ پولیس ءِ کارندہ آنی شہادت ءِ پد ءَ ڈکھ ءُ اپسوزی ءِ درشان کت۔ آئی ءَ وتی یک ٹویٹے ءَ گوشت کہ ملک ءِ دژمن اے رنگیں لگوریں کاروائی ءَ چہ مئےدلبڈی آں ڈگار ءَ جت نہ کناں۔ راج پولیو ورکرز ءُ سیکورٹی فورسز ءِ قربانی آنی وام دار آں۔ آئی ءَ گوشت کہ اے رنگیں لگور آناں گر ءُ پنجگ کنگ بیت۔ شہباز گل ءَ گوشت کہ مئے مشن، انشاء اللہ پولیو فری پاکستان انت۔
