اسلام آباد۔10دسمبر (اے پی پی):چیئرمین سینیٹ محمد صادق سنجرانی ءَ گوشت کہ بنیاتی بنی آدمی ھک آنی رکھینگ ریاست ءُ ھمک شہری ءِ زمہ واری انت، پارلیمان ءَ بنی آدم آنی رکھینگ ءِ واستہ جوانیں کانود ءِ جوڑیشت کنگ بوھگ ءَ انت۔ آدینگ ءِ روچ ءَ بنی آدمی ھک آنی پھریزگ ءِ میاں اوستمانی روچ ءِ موہ ءَ وتی ھاسیں کلوہ ءَ آئی ءَ گوشت کہ بنیاتی بنی آدمی ھک آنی رکھینگ ریاست ءُ ھمک شہری ءِ زمہ واری انت۔ آئی ءَ گوشت کہ پارلیمان ءَ بنی آدمی ھک آنی رکھینگ ءِ واستہ جوانیں کانود جوڑ کنگ بوھگ ءَ انت۔ چیئرمین سینیٹ ءَ گوشت کہ میڈیا ءُ حکومت ءِ کوشست آں چہ پاکستان ءَ بنیاتی بنی آدمی ھک آنی ھوالگ ءَ سرپدی ءَ جوانیں گیش بوتگ۔ بنی آدمی ھک آنی ھوالگ ءَ گیش کار کنگ ءِ ضلورت اَنت۔
