اسلام آباد۔10دسمبر (اے پی پی):صدر مملکت ڈاکٹر عارف علوی ءَ گوشت کہ نودربر انفارمیشن ٹیکنالوجی ءِ شوبگ ءَ وت ءَ را ازمکار جوڑ بکن آں، حکومت بلوچستان ءِ دیمروئی ءَ ھاسیں دلگوشی دیگ ءَ انت، بلوچستان ءِ ورنا کامیات ورنا پروگرام آں چہ سیت چست بکن انت۔ اے ھیالانی درشانی آئی ءَ آدینگ ءِ روچ ءَ بلوچستان ریذیڈنشل کالج، لورالائی ءِ نودربر آنی ڈل ءَ گوں گند ءُ نند ءِ ساھت ءَ تران کنان ءَ کت۔ ایوان ءِ صدر ءَ پریس ونگ ءِ نیمگ ءَ جاڑی بوتگیں بیان ءِ رد ءَ صدر مملکت ڈاکٹر عارف علوی ءَ گوشت کہ بلوچستان ءِ نودربر حکومتی وانگ ءُ زانگی سکالرشپ سکیم ءَ چہ سیت بکن انت۔ حکومت احساس سکالرشپ پروگرام ءِ چیر دستی ءَ 50 ہزار سکالرشپ دیگ ءَ انت۔ آئی ءَ گوشت کہ نودربر وانگ ءُ زانگ ءِ پڑ ءَ دلگوشی بدینت۔ ملکی جوڑیشت ءُ دیمروئی ءَ وتی کرد پیلو بکن انت۔ صدر ءِ مملکت ءَ گوشت کہ نودربر انفارمیشن ٹیکنالوجی ءِ شوبگ ءَ وت ءَ را بلدکار جوڑ بکن انت۔ حکومت بلوچستان ءِ دیمروئی ءَ ھاسیں دلگوشی دیگ ءَ انت، بلوچستان ءِ ورنا کامیات ورنا پروگرام ءَ چہ سیت چست بکن انت۔ ورنا کامیات پروگرام ءِ چیر دستی ءَ آسانیں شرط آنی سر ءَ کاروباری وام بہ زور انت۔ نودربر آں صدر ءِ مملکت ءَ را وتی جیڈھ ءِ بابت ءَ سرپد کت۔ صدر ءِ مملکت ءَ نودربر آناں آوانی جیڈھ ءِ گیواری کنگ ءِ دل یکیمی کنائینت۔
