اسلام آباد۔ 10 دسمبر (اے پی پی) صدر مملکت ڈاکٹر عارف علوی پارینے کہ طالب علم آک انفارمیشن ٹیکنالوجی نا بشخ اٹ تینے کسبکار جوڑ کیر، حکومت بلوچستان شونداری آخاص چکار کننگ ءِ، بلوچستان نا ورناک سرسہب ورناپروگرام آن فائدہ ہرفر۔ داخیال آتا درشانی ءِ او جمعہ نادے آ بلوچستان ریذیڈنشل کالج، لورالائی نا طالب علم آتا ڈل اسے تون اوڑدہی ٹی گپ وتران کرسا کرے۔ ایوان صدر نا پریس ونگ آن جاری بیان نا رداٹ صدر مملکت ڈاکٹر عارف علوی پارے کہ بلوچستان نا طالب علم آک حکومتی تعلیمی اسکالرشپ اسکیم آن فائدہ ہرفر، حکومت احساس اسکالر شپ پروگرام نا رداٹ 50 ہزار اسکالر شپ تننگ ءِ۔ اوپارے کہ طالب علم آک تینا تعلیم آ چکار تخر، ملکی شونداری و شونہالی ٹی تینا کڑد ءِ ادا کیر۔ صدر مملکت پارے کہ طالب علم آک انفارمیشن ٹیکنالوجی نا بشخ اٹ تینے کسبکار جوڑ کیر، حکومت بلوچستان شونداری آ خاص چکار کننگ ءِ، بلوچستان نا ورناک سرسہب ورنا پروگرام آن فائدہ ہرفر، ورناک سرسہب پروگرام نا رداٹ آسان شڑت آتیا کاروباری وام دوئی کننگ کیرہ۔ طالب علم آک صدر مملکت ءِ تینا ویل آتا باوراٹ معلومدار کیر۔ صدر مملکت طالب علم آتے اوفتا ویل آتے ایسر کرفنگ نا باور کرفے۔
