اسلام آباد۔ 10 دسمبر (اے پی پی )بنجائی وزیر داخلہ شیخ رشید احمد آسٹریلوی کرکٹ ٹیم ءِ فول پروف سیکورٹی فراوان کننگ نا باوری کرفسا پارینے کہ دا چرجوئی ٹی غٹ بست وبند آتے کننگانے، قوم 24 سال آن ملک اٹی پاک آسٹریلیا مقابلہ غاتا چاری ءِ۔ اوداخیال آتا درشانی ءِ جمعہ نادے آ داڑے آسٹریلوی کرکٹ ٹیم نا سیکورٹی ڈل اتون گپ وتران کرسا کرے ہرا وزیر داخلہ شیخ رشید احمد و وزارت داخلہ نا بڑزکو کمامدارآتون اوڑدہی کریر۔ داوخت آ پاکستان کرکٹ بورڈ انا ڈائریکٹر انٹرنیشنل کرکٹ ذاکر خان ہم ساڑی ئسک۔ وزیرداخلہ ٹیم انا فول پروف سیکورٹی نا باور کرفے۔ اوپارے کہ آسٹریلوی ٹیم انا سیکورٹی نا غٹ بست وبند آتے کرینن، سندھ و پنجاب حکومت و سیکورٹی ادارہ غاتون پورو رابطہ ءِ۔ وزیرداخلہ پارے کہ پاکستان نا مخلوق کرکٹ تون بھاز مہرومریبت کیک، قوم 24 سال آن ملک اٹی پاک آسٹریلیا مقابلہ غاتا چاری ءِ، اومیت ءِ شونکی تے جوان ءُ کرکٹ اس ہُننگ کن ملک۔ شیخ رشید احمد پارے کہ ٹیم ءِ گدریفنگ نا پڑو آ آسٹریلوی کرکٹ بورڈ انا منت واراُن، پاکستان آ بننگ آ آسٹریلوی ٹیم ءِ جم و جوش اٹ بخیر کننگک۔
