اسلام آباد۔ 10 دسمبر (اے پی پی) ایوان صدر نا جامع مسجد آن حسب معمول نماز جمعہ و خطبہ ءِ براہ راست نشر کننگا۔ صدر مملکت ڈاکٹر عارف علوی و ایوان صدر نا کمامدار و عملہ جمعہ نا نماز ءِ خوانار۔ داوخت آ جمعہ نا خطبہ ٹی اسلامی رغاموک آتے مون آ تخسا راجی رویہ غاتیٹی گچینی نا اہمیت و فائدہ غاتے تالان کننگا۔ خطبہ ٹی سانحہ سیالکوٹ نا رداٹ داہیت آ زور شاغنگاکہ ہر باندات اٹی بیدس جاست وپاست ردعمل آن راج بے چیٹی نا گواچی مریک، ہنداخاطرآن ہر خبر آ بیدس جاست وپاست دمدستی ردعمل تننگپ۔ اسلامی ریاست اٹ غیرمسلمان تے ہم پورو رکھ دوئی مریک وخت اس کہ کانود ءِ دوٹی ہلنگ غیر اسلامی ءُ کاریم اسے۔ داوخت آ ملک و قوم انا سلامتی، شونداری و شونہالی کن دعا کننگا۔ یات سلے کہ صدر مملکت ڈاکٹر عارف علوی نا پارت آ مخلوق نا راہشونی کن ایوان صدر نا جامع مسجد آن خطبہ جمعہ ءِ براہ راست نشر کننگ نا چرجوئی نا بناءِ کننگانے۔
