اسلام آباد۔ 10 دسمبر (اے پی پی) تدوک آ بیست ءُ چار گھنٹہ ٹی کورونا دین انا سوب آن خیبرپختونخوا غان پد پنجاب اٹی غٹ آن زیات مرک ریکارڈ کننگا۔ مچ آ ملک اٹی تدوک آ بیست ءُ چار گھنٹہ ٹی کورونا دین آن 9 مرک مس ہرافیتان اِرا ناجوڑ آتا مرک وینٹی لیٹرآتیا مس۔ نیشنل کمانڈ اینڈ آپریشن سینٹر ، این سی او سی نا کنڈآن جاری حساب وکتاب نا رداٹ تدوک آ 24 گھنٹہ ٹی مچ آ ملک اٹی 313 بندغ آتا کوویڈ۔ 19 ٹیسٹ مثبت بس۔ ملک انا 4 بھلا شار تیٹی وینٹی لیٹرآتیا کوویڈ۔ 19 نا ناجوڑ آتا بیٹ کچ انا رداٹ پشاور اٹی 19 درسد، اسلام آباد اٹی 11 درسد، سرگودھاٹی 10 درسد ولاہور اٹی 9 درسد ناجوڑ ءُ۔ ہنداوڑاٹ ملک انا چار بھلا شار تیٹی آکسیجن نا آسراتی والا کٹ آتیا کورونا نا مثبت کیس آتا بیٹ کچ انا رداٹ ملتان اٹی 18 درسد، اسلام آباد اٹی 14 درسد، سرگودھاٹی 14 درسد و پشاور اٹی 12 درسد ناجوڑ ءُ۔ تدوک آ 24 گھنٹہ ٹی کوویڈ۔ 19 نا 42 ہزار 978 ٹیسٹ کننگا ہرافتیان سندھ اٹی 9ہزار 732، پنجاب اٹی 17 ہزار 693، خیبرپختونخوا ٹی 9 ہزار 324، اسلام آباد اٹی 5 ہزار 82، بلوچستان اٹی 647، گلگت بلتستان اٹی 267 ٹیسٹ، آزاد کشمیر اٹی 233 ٹیسٹ اوار ءُ۔ داتم اسکان مچ آ ملک اٹی کوویڈ۔ 19 آن دراخ جوڑ مروک آتا کچ 12 لکھ 50 ہزار 69 مسنے۔ بلوچستان ، آزاد کشمیر و گلگت بلتستان اٹی کوویڈ۔ 19 نا اسہ ناجوڑ اس ہم داوخت آ وینٹی لیٹر آتیا اف وخت اس کہ مچ آ ملک اٹی کوویڈ۔ 19 کن جتا وینٹی لیٹرآتیا 88 ناجوڑ ءُ۔ مچ آ ملک اٹی کوویڈ۔ 19 نا ایکٹیو کیس آتا کچ 9 ہزار 485 ءِ۔ مچ آ ملک اٹی کورونا دین آن زہمی بندغ آتا کچ 12 لکھ 88 ہزار 366 ءِ ہرافتیان آزاد کشمیر اٹی 34 ہزار 600، بلوچستان اٹی 33 ہزار 522، گلگت بلتستان اٹی 10 ہزار 425، اسلام آباد اٹی 1 لکھ 8 ہزار 42، خیبرپختونخوا ٹی 1 لکھ 8 ہزار 564 ، پنجاب اٹی 4 لکھ 43 ہزار 747 و سندھ اٹی 4 لکھ 77 ہزار 466 ناجوڑ ءُ۔مچ آ ملک اٹی کورونا دین آن زوال کروک آتا کچ 28 ہزار 812 مسنے۔ اسلام آباد اٹی کل 962مرک، بلوچستان اٹی کل 363 مرک وخت اس کہ تدوک آ بیست ءُ چار گھنٹہ ٹی اسہ ناجوڑ اس ہسپتال اٹی دادین آن زوال کرے، گلگت بلتستان اٹی 186 مرک، آزاد کشمیر اٹی دادین آن 743 مرک مسنے داتم اسکان مچ آ ملک اٹی کوویڈ۔ 19 نا 2 کروڑ 24 لکھ 28 ہزار 325 ٹیسٹ کننگانے۔ مچ آ ملک اٹی کوویڈ۔ 19 نا درمان کن جتا 640 ہسپتال آتیٹی 793 ناجوڑ درمان مننگ ءُ۔
