اسلام آباد۔ 10 دسمبر (اے پی پی) وزیراعظم نا سلاہکار واپار عبدالرزاق داؤد پارینے کہ اینخو سال نومبر نا تُو اٹی سویلی ایشیا نا ایلو ملک آتا مقابلہ ٹی پاکستانی برآمد آتیٹی ودکی مسنے۔ جمعہ نادے آ داڑے اسہ بیان اسے ٹی اوپارے کہ سویلی ایشیائی ملک آتیان پاکستان نا برآمد آتیٹی 33.5 درسد ودکی مسنے، بنگلہ دیش نا برآمدآک 31.3 وخت اس کہ بھارت نا برآمد آتیٹی 26.5 درسد ودکی مسنے۔ اوپارے کہ برآمد آتیٹی ودکی ننا برآمد کروک آتا سخت خواری نا بھرم ءِ ہنداخاطرآن برآمد کروک آتا کارکڑد نا ستاءِ کننگ المی ءِ۔
