اسلام آباد۔ 10 دسمبر (اے پی پی) حلقہ پی پی 206 خانیوال نا ضمنی گچین کاری تا وخت آ گچین کاری مہم نا وخت 14 و 15 دسمبر 2021 نا نیامی نن آ چٹک۔ الیکشن کمیشن آف پاکستان 16 دسمبر 2021ء آ مروک آ ضمنی گچین کاری حلقہ پی پی 206خانیوال اٹی بشخ ہلوک آ اومیتدار آتا چکار ءِ الیکشن ایکٹ 2017 نا شق 182 نا کنڈآ کرفسا پارت کرینے کہ کانود نا رداٹ گچین کاری حلقہ ٹی رائے دہی نا دے آن 48 گھنٹہ مست اسکان ) نن نا 12 بجہ ( ہروڑنا الیکشن تون تعلقدار سرگرمی کون آ جلسہ، السی دیوان پین پین نا موکل تفک و نئے بندغ اس دا رداٹ داوڑنا دود اڈ ایتے نئے اوفتے ٹی شمولیت اختیار کے۔ خلاف ورزی نا دروشم اٹ ڈوہدار بڑزکو درج کانود ءِ مون آ تخسا اسہ لکھ روپئی جرمانہ یا اِرا سال بندی نا سزاوار مریک۔ ہنداوڑ گچین کاری مہم بڑزکو درجہ حلقہ نا وخت 14 و 15 دسمبر 2021 نا نیامی نن آ چٹک۔ غٹ سیاسی جماعت و اومیتدار آتے پارت کننگک کہ متذکرہ کانود نا پاسداری ءِ کرسا 16 دسمبر آ مروک آ گچین کاری تیٹی کڑد ادا کیر تانکہ گچین کاری تے پرامن و سرسہب کننگ مرے۔
