اسلام آباد۔ 10 دسمبر (اے پی پی) پاکستان سیٹیزن پورٹل آ شاری تا درج مروک کچ اٹ ریکارڈ ودکی مسنے۔ وزیراعظم آفس نا رداٹ وزیراعظم ڈیلیوری یونٹ نا کنڈآن ماہانہ حساب وکتاب ءِ جاری کننگانے۔ پاکستان سیٹیزن پورٹل آ شاری تا کچ 37 لکھ آن گدرینگانے۔ پنجاب آن 22 لکھ، خیبرپختونخوا آن 6 لکھ و سندھ آن 5 لکھ شاری تا پاکستان سیٹیزن پورٹل آ رجسٹرڈ کننگانے۔ بلوچستان آن 51 ہزار وخت اس کہ بنجاآن 77 ہزار شاری رجسٹرڈ مسنو۔ وزیراعظم آفس نا رداٹ شاری تا کنڈآن پاکستان سیٹیزن پورٹل آ 4.4 ملین غاو درج کننگانے۔ پاکستان آن 42 لکھ و اوورسیز پاکستانی تا کنڈآن 2 لکھ 15 ہزار غاو دوئی مسنے۔ پاکستان سیٹیزن پورٹل آ داتم اسکان 40 لکھ غاوتے سرتننگانے۔ پاکستان سیٹیزن پورٹل نا کارکڑد آ 46 درسد شاریک است جمی نا درشانی ءِ کرینو۔
