اسلام آباد۔ 10 دسمبر (اے پی پی) سویٹزر لینڈ اٹی کاریم کروک آ پاکستانی تا ترسیلات زر اٹی برجامالی سال اٹی تدوک آ مالی سال انا ہند امد انا مقابلہ ٹی 38.8 درسد نا نمو ریکارڈ کننگانے۔ اسٹیٹ بینک انا کنڈآن دا بابت جاری کروک حساب وکتاب نا رداٹ برجامالی سال انا اولیکو چار تُو اٹی سویٹزر لینڈ اٹ کاریم کروک آپاکستانیک 15.4 ملین ڈالر نا زرمبادلہ ملک آ مون تسر ہرا تدوک آ مالی سال انا ہندا مد انا مقابلہ ٹی 38.8 درسد زیات ءُ، تدوک آ مالی سال انا ہندا مد اٹی سویٹزر لینڈ اٹ کاریم کروک آ پاکستانیک 9.4 ملین ڈالر نا زرمبادلہ ملک آ مون تسوسر۔ اکتوبر نا تُو اٹی سویٹزر لینڈ آن ترسیلات زر انا کچ 3.9 ملین ڈالر ریکارڈ کننگا۔ تدوک آ سال اکتوبر اٹی سویٹزر لینڈ آن ترسیلات زر انا کچ 2.8 ملین ڈالر ئسک۔ حکومت نا کنڈآن کانودی و بینکنگ ذریعہ اٹ ترسیلات زر انا حوصلہ افزائی کن گام گیج، آسراتی و ترغیب تننگ نا نتیجہ ٹی سمندر پار پاکستانی تا ترسیلات زراٹی برجامالی سال انا اولیکو چار تُو اٹی تدوک آ مالی سال انا ہندا مد انا مقابلہ ٹی جم وڑاٹ 11.9 درسد نا نمو ریکارڈ کننگانے۔
