اسلام آباد۔9دسمبر (اے پی پی): مزن وزیر عمران خان ءَ گوں 115 یک سد ءُ پانزدھمی نیشنل مینجمنٹ کورس (این ایم سی) ءِ اپسرگ آں پنچ شمبے ءِ روچ ءَ گند ءُ نند کتگ۔ مزن وزیر میڈیا کارگس ءِ نیمگ ءَ جاڑی بوتگیں پریس ریلیز ءِ رد ءَ گند ءُ نند ءِ ساھت ءَ اپسرگ آں گوں تران ءِ ساھت ءَ مزن وزیر عمران خان ءَ گوشت کہ سرکالری مزدگر السی ازمت آنی ٹوھیں زمہ واری ءِ پیلو کن انت۔ آئی ءَ گوشت کہ پرموشن ءُ ازت ءُ شرپ کمائینگ ءِ کشک مدام جیڈھ آں چہ سر ریچ انت۔ ورنا آنی اخلاقی کد ءُ بالاد ءَ را برز ءُ بلند کنگ مئے اولی کار انت، مزن وزیر عمران خان ءَ گوشت کہ شمے دیم ءَ بطور پیسلہ مدام دو کشک ایر بیت۔ یک ات زر کمائینگ ءِ کشک انت ایش کرپشن ءُ تباھیگ ءِ نیمگ ءَ بار وھدکہ دومی کشک شرپ ءُ ازت ءُ دیمروئی ایگ انت۔ ایش جیڈھ ءُ جنجالاں چہ پر بیت۔ مزن وزیر ءَ گیش تران کت ءُ گوشت کہ ھاٹیگ ءُ آپ ءِ ملکی ضلورت ءَ را سرجم کنگ ءِ واستہ 10 ڈیم ءِ جوڑیشت ءِ سر ءَ کار بندات کنگ بوتگ۔ آئی ءَ گوشت کہ معاشی دیمروئی ءُ وشھالی ءِ در جنگ یک جوانیں کار ات۔ حکومت توامیں شوبگ آنی تہ ءَ دراج بُریں گہتری کار آنی برجائی ءِ واستہ جزمیگ انت۔ پاکستان زوت پڑے ءِ یک ارزشتیں ایں لیڈریں ملک ءِ جوڑ بیت انچوش کہ 70 ءِ زمانگ ءَ بوتگ۔
