اسلام آباد۔9دسمبر (اے پی پی): بنجاھی وزیر اھوالکاری ءُ شنگ کاری چوہدری فواد حسین ءَ گوشت کہ سندھ ءِ سر ءَ انچیں حکومت ءِ کپار انت کہ ایشرا الس ءِ سُد ءُ سما اچ پر نیست۔ سندھ حکومت ءِ پالیشی آں چہ سندھ ءِ الس آناں تاوان بوھگ ءَ انت۔ آرت ءُ شکر ءِ نیاد سندھ ءَ گیش انت۔ جان سلامتی کاٹ ءُ راشن پروگرام ءَ چہ سندھ ءِ الس زبھر انت، سندھ ءِ نماھند آناں وتی سرو زیر ءَ چہ جست ءُ پرس کنگ لوٹ ایت کہ آ سندھ ءِ الس زبھر انت۔ سندھ ءِ نماھندگ آناں وتی سر وزیر ءَ چہ جست ءُ پرس گرگ لوٹ ایت آ سندھ ءِ الس آں چہ کجام گپ ءِ بدلہ ءَ گرگ ءَ انت۔ پاکستان ءِ الس آناں دراج بریں وھد ءُ پاس ءَ چہ اے رنگیں حکومت ءِ رستگ ایشی ءِ سر ءَ کرپشن ءِ اچ بھتام پر نیست، مزن وزیر عمران خان ءِ سر ءَ آئی ءِ ھلاپ کنوک ھم دل یکیمی کن انت۔ ما لیگ ءِ وڑ ءَ اورنج ٹرین ءُ توان ءِ گرانیں منصوبگ جنگ ءَ چہ معیشت ءِ بیڑہ گرگ نہ کتگ۔ مرچی پاکستان ءِ سیاسی سروک آنی سر ءَ دل یکیمی برجا بوتگ۔ اپوزیشن ریک ءِ ڈیوال ءِ وڑ اوشت ایت ءُ کپ ایت ، 23 مارچ ءَ تاں پی ڈی ایم پشت کپت گڈا مارچ کنت۔ اے ھیالانی درشانی آئی ءَ پنچ شمبے ءِ روچ ءَ ادا بنجاھی وزیر وردن ءُ وراکءِ رکھینوک سید فخر امام ءِ ھمراھی ءَ پریس کانفرنس ءَگوں گشتانک دیان ءَ کت۔
