اسلام آباد۔9دسمبر (اے پی پی):پاکستان ءَ آزربائیجان ءِ سفیر خضرو فرہادوف ءَ سروک پاک فضائیہ ائیر چیف مارشل ظہیر احمد بابر سدھو ءَ آئی ءِ کارگس ءَ گوں گند ءُ نند کت۔ گند ءُ نند ءِ ساھت ءَ دوئیں شرپ مند آں وت مہ وتی واھگی کار آنی سر ءَ ھیال ریچی کت۔ ترجمان پاک فضائیہ ءِ رد ءَ خضرو فرہادوف ءَ کزبی ءُ ایوی ایشن انڈسٹری ءَ وتی مستری ءِ نیمگ ءَ رھادگیں پاک فضائیہ ءِ توسیپ کت۔ ائیر چیف ءَ گوشت کہ پاکستان ءُ آزربائیجان ءِ نیام ءَ کوھنیں نیک راھی، دود ءُ ربیدگی ءُ تاریخی سیادی برجا انت ایش دوئیں بالی ارد آنی نیام ءَ مھکمیں رابطہ آنی درور انت۔ سروک پاک فضائیہ ءَ گوشت کہ دوئیں ملک آنی نیام ءَ وشیں یکوئی برجا انت۔ آئی ءَ دوئیں براتیں ملک آنی نیام ءَ وت مہ وتی واھگی کار آناں گیش دیمروئی دیگ ءِ جزم ءِ درشان ھم کت۔
