اسلام آباد۔9دسمبر (اے پی پی): مزن وزیر عمران خان ءَ بیگواہیں اھوالکار مدثرنارو ءِ مات ءُ پت ءُ کسانیں زھگ پنج شمبے ءِ روچ ءَ ادا گند ءُ نند کت۔ مزن وزیر ءَ مدثر نارو ءِ مات ءُ پت ءَ را واکیہ ءِ پٹ ءُ پول کنگ ءُ توامیں رنگیں کمک کنگ ءِ دل یکیمی کنائینت۔ مزن وزیر میڈیا کارگس ءِ نیمگ ءَ جاڑی بوتگیں بیان ءِ رد ءَ گند ءُ نند ءَ بنجاھی وزیر بنی آدمی ھک شیریں مزاری، اٹارنی جنرل خالد جاوید خان ءُ سیکرٹری تہی کار یوسف نسیم کھوکھر ھم ساڑی ات۔ اے رد مزن وزیر ءَ کانود ءَ را مھکم داروکیں ادارگ آناں گیش پٹ ءُ پول کنان ءَ مدثر نارو ءِ مات ءُ پت ءُ زھگ ءَ را دلبڈی دات ءُ پنت ءُ شون جاڑی کت۔ مدثر نارو ءِ مات ءُ پت آں مزن وزیر ءِ دل بڈی آنی سر ءَ دل یکیمی ءِ درشان کت۔
