اوغانستان برادر ہمسایہ ملک، اوغان الس کن دوائی تا ٹیکی اوفتا مشکل آتے ٹی کمتی نا سوب مریک، خصوصی کمکار قومی جان جوڑی ڈاکٹر فیصل سلطان

اسلام آباد۔ 09 دسمبر (اے پی پی) وزیراعظم نا خصوصی کمکار قومی جان جوڑی ڈاکٹر فیصل سلطان پارینے کہ اوغانستان ننا برادر ہمسایہ ملک ءِ ، اونا الس کن دوائی تا ٹیکی اوفتا مشکل آتیٹی کمتی نا سوب مریک۔ داخیال آتا درشانی ءِ او پاکستان مینو فیکچرنگ فارماایسوسی ایشن نا ڈل اتون گپ وتران کرسا کرے۔ داوخت آ چیف ایگزیکٹیو آفیسر ڈرگ ریگولیٹری اتھارٹی ہم ساڑی ئسک۔ پی پی ایم اے نا چیئرمین قاضی محمد منصور دلاور و مسکوہی چیئرمین اسد شجاع، امان اللہ شیخ، عثمان شوکت حامد رضا، حسیب خان، عاطف اقبال و ایلو باسک آک اوغانستان کن کم و ود 16 کروڑ روپئی مالیت نا دوئی تا عطیہ تسنو۔ خصوصی کمکار جان جوڑی ڈاکٹر فیصل سلطان پی پی ایم اے نا کوشست آتا ستاءِ کرے۔ خصوصی کمکار پارے کہ اوغانستان ننا برادر ہمسایہ ملک ءِ، اوغانستان نا الس کن دوائی تا ٹیکی اوفتا مشکل آتیٹی کمتی نا سوب مریک۔