اسلام آباد۔ 08 دسمبر (اے پی پی) چیئرمین سینیٹ محمد صادق سنجرانی تون صوبہ ہزارہ تحریک نا ایگزیکٹیو کونسل نا ڈل پارلیمنٹ ہاؤس اٹی اوڑدہی کرینے۔ سینیٹ سیکرٹریٹ نا رداٹ اوڑدہی ٹی ہزارہ ڈیہہ ءِ مون تروک ویل و شونداری عمل آ سرجمی اٹ گپ وتران کننگا۔ ڈل اتون گپ وتران کرسا چیئرمین سینیٹ پارے کہ شونداری ڈٹ آتیا کاریم ءِ ترند کننگ و علاقائی محرومی تا ازالہ کننگ کن بڑزکو ایوان تینا آئینی و کانودی کڑد ءِ ادا کرسا کیک۔ چیئرمین سینیٹ پارلیمنٹ نا کہول آ پبی کڑد ادا کننگ نا باور کرفینے و پارینے کہ بڑزکو ایوان نئے بیرہ صوبائی اکائی بلکن چندی علاقہ غاتے مون تروک ویل آتا ایسر کننگ کن فعال کڑد ادا کرساکرینے۔ اوپارے کہ علاقائی محرومی و بریبری نا کہول آ شونداری نا وارخواہی فراوان کننگ کن المی کانود جوڑ کننگ کن سلاہ تننگے، ہزارہ ڈیہہ نا ویل آتا ایسر کننگ کن غٹ سیاسی جماعت آتا نیام اٹ ہم گرنچی ستاکڑزک۔ ڈل اٹی مرتضیٰ جاوید عباسی، سینیٹر طلحہ محمود، سردار محمد یوسف و ایلو راہشونک اوار ئسر۔
