کوئٹہ۔ 08 دسمبر (اے پی پی) وزیراعلیٰ بلوچستان میر عبدالقدوس بزنجو تون ڈی جی نیب بلوچستان فرمان اللہ خان اوڑدہی کرے۔ اوڑدہی ٹی تین پہ تینی است خواہی نا ایلو امور آن بیدس وڈی خوری نا توننگ نا گام گیج آتیا گپ وتران کننگا۔ وزیراعلیٰ بلوچستان وڈی خوری نا توننگ کن نیب انا کوشست آتا ستاءِ کرے۔ اوپارے کہ وڈی خوری نا توننگ آن بیدس انصاف و شونہالی آ مبنی راج اسے نا ٹہیفنگ نا مسخت دوئی مننگ مفک۔ اوپارے کہ شونداری وسیلہ غاتا سہی کاریم اٹ اتنگ صوبائی حکومت نا اولیت ءِ۔ کرپشن آ حکومت نا سگ انا حد صفر ءِ۔ شونداری ڈٹ آتا فنڈ آتا سہی کاریم اٹ اتنگ ءِ ہرحال اٹ پک کینہ۔ صوبائی محکمہ انسداد وڈی خوری و وزیراعلیٰ معائنہ ٹیم ءِ کرپشن نا برخلاف پین فعال کننگک۔ اوڑدہی ٹی کرپشن نا برخلاف تعلقدار صوبائی محکمہ و نیب انا نیام اٹ مربوط رابطہ غاتا جوڑ کننگ آ امنا کننگا۔ ڈی جی نیب انا کنڈآن وزیراعلیٰ ءِ نیب بلوچستان نا کارکڑد آ حوال۔ ہرسال آنبار داسال آ ہم جہانی یوم انسداد وڈی خوری ءِ پبی عزم و جوش و جوزہ اٹ اڈ تننگ انگ ءِ۔ ڈی جی نیب وزیراعلیٰ ءِ جہانی یوم وڈی خوری نا سیمینار اٹ بشخ ہلنگ نا سلہ خلک۔
