اسلام آباد۔ 08 دسمبر (اے پی پی) ملک اٹی ہالینڈ نا زرکاری ٹی برجا مالی سال اٹی نمان ودکی ریکارڈ کننگانے۔ اسٹیٹ بینک و زرکاری بورڈ انا کنڈآن دا بابت دوئی حساب وکتاب نا رداٹ برجامالی سال انا اولیکو 4 تُو اٹی پاکستان اٹ ہالینڈ نا براہ راست زرکاری ناکچ 160.9 ملین ڈالر ریکارڈ کننگا ہراٹی 3 لکھ ڈالر نا پورٹ فولیو زرکاری اوار ءِ۔ دا کچ تدوک آ مالی سال انا ہند امدانامقابلہ ٹی کیہی گنازیات ءِ، تدوک آ مالی سال انا اولیکو 4 تُو اٹی پاکستان اٹ ہالینڈ نا براہ راست زرکاری نا کچ 12.8 ملین ڈالر ریکارڈ کننگاسس۔ تدوک آ مالی سال انا ہندا مد اٹی پاکستان اٹ ہالینڈ نا پورٹ فولیو زرکاری نا کچ 1.3 ملین ڈالر ریکارڈ کننگاسس۔ اکتوبر 2021 اٹی پاکستان اٹی ہالینڈ نا براہ راست زرکاری نا کچ 100.3 ملین ڈالر ئس۔
