اسلام آباد۔7دسمبر (اے پی پی): مزن وزیر عمران خان ءَ گوشت کہ سیالکوٹ ءَ نیک راج ءِ نام ءَ ظلم کنوک آناں یلو کنگ نہ بیت، آیوکیں وھد ءَ اے رنگیں واکیہ نہ بیت، نبی کریم ﷺ توامیں انسانیت ءِ واستہ رحمت اللعالمین جوڑ بوتگ ءُ اتکگ، اسلام تلوار ءِ سر ءَ ناں بلکینگ ءَ یک سسا ئی آشوبے ءِ وسیلگ ءَ شنگ ءُ تالان بوتگ، عشق رسول ﷺ ثابت کنگ ءِ جوانیں رپک آپ ﷺ ءَ گوشتگ ءُ سوج داتگیں کشک ءَ چہ بیت۔ اے ھیالانی درشانی آئی ءَ سئے شمبے ءِ روچ ءَ آنجہانی پریانتھا کمارا ءِ یات ءَ سئے شمبے ءَ مزن وزیر کارگس ءَ برجم داشتگیں دلپدردی ریفرنس ءُ پریانتھا کمارا ءِ جان ءِ رکھینگ ءِ وستہ دلیری ءِ پش داروک ملک عدنان ءِ توسیپی سند ءِ دیگ ءِ مراگش ءَ گوں گشتانک دیان ءَ کت۔ مراگش ءَ بنجاھی وزیر اھوالکاری ءُ شنگ کاری چوہدری فواد حسین ، بنجاھی وزیر حماد اظہر، غلام سرور خان، شیریں مزاری، وزیر مملکت اھوالکاری ءُ شنگ کاری فرخ حبیب، زرتاج گل، مزن وزیر ءِ ھاسیں کمکار شہباز گل، مزن وزیر ءِ ھاسیں نماھندگ طاہر اشرفی ءُ سری لنکا ءِ ہائی کمشنر موہن وجے وکرما ءَ ابید پریانتھا کمارا ءِ جان ءِ رکھینگ ءِ کوشست کنوک ملک عدنان ھم شریک ات۔
