اسلام آباد۔7دسمبر (اے پی پی):پاکستان ءَ حوثی باگی آنی نیمگ ءَ سعودی عرب ءِ دارالحکومت ریاض ءِ سر ء۔ بیلسٹک میزائل جنگ ءِ پد ءَ سک باز ایراد ءُ مذمت گپتگ۔ ارش ءِ مول ءُ مراد آبادی ءُ انفرانسٹرکچر ءَ را تاوان رسینگ بوتگ۔ پدا ھم رائل سعودی ائیر ڈیفنس ءِ نیمگ ءَ چہ بیلسٹک میزائل ءَ را کامیاتی ءَ گوں گر ءُ دار کتگ ءُ ایشی ءِ پد ءَ اچ جانی تاوان نہ بوتگ۔ سئے شمبے ءَ درئی کارانی کارگس ءِ نیمگ ءَ یک بیانے ءِ تہ ءَ گوشگ بوت کہ اے رنگ ءِ ارش نہ میاں اوستمانی کانود ءِ ھلاپ کنگ انت بلکینگ ءَ سعودی عرب ءُ پڑے ایمنی ءُ سلامتی ءَ را بیم ءُ ترس ءِ آماچ کن انت۔ ترجمان ءَ اے ارش آناں زوت بند کنگ ءَ لوٹ کتگ ءُ گوشتگ کہ پاکستان ، سعودی عرب ءِ سلامتی ءُ دمگی سالمیت ءَ را استیں ھوپ ءُ ترس ءِ ھلاپ ءَ وتی سرجمیں ھمبراہ داری ءُ یکوئی ءِ درشان ءَ کنت۔
