تجارت ءَ را دیمروئی دیگ ءِ واستہ نوکیں منڈی آناں پٹ ءُ لوٹ کنگ  ءِ ضلورت انت، چین ءُ پاکستان ءَ تجارت ءَ را دیمروئی دیگ ءِ شاھیگانیں موہ  است انت، سپیکر راجی اسمبلی اسد قیصر

اسلام آباد۔7دسمبر  (اے پی پی):سپیکر  راجی  اسمبلی اسد قیصر ءَ گوشت کہ تجارت ءَ را دیمروئی  دیگ ءِ وستہ نوکیں منڈی آنی پٹ ءُ  لوٹ کنگ ءِ ضلورت انت، چین ءُ پاکستان ءِ نیام ءَ  دروریں یکوئی است انت،  ءُ دوئیں ملک آنی تجارت ءَ را دیمروئی دیگ ءِ پراھ ءُ شاھیگانیں موہ است انت۔ سئے شمبے ءَ سپیکر ءِ  سروکی ءَ  اسلام آباد ءَ مزن تکی  دیوان  ءِ برجم دارگ بوت ایشی ءِ تہ ءَ مزن وزیر ءِ ھاسیں     کاسد برائے اوگانستان صادق خان، ھاسیں کمکار برائے مزن وزیر  ایوب آفریدی، سر وزیر    خیبر پختونخوا ءِ  مشیر کریم خان ، چیئر مین بورڈ آف انوسٹمنٹ، سیکرٹری کامرس  ءُ سیکرٹری انڈسٹری  ءَ  بھر زوری کت۔