راولپنڈی۔ 07 دسمبر (اے پی پی) صدر مملکت ڈاکٹر عارف علوی انفارمیشن ٹیکنالوجی ءِ کاریم اٹ اتنگ نا گرج آ زور شاغسا پارینے کہ آخبت اٹ ہمو قوم واکدار مریک ہرا دنیا ٹی گچین ٹیکنالوجی آن فائدہ ہرفک، پاکستان آبادی نا وڑاٹ دنیا نا پنچ می بھلا ملک ءِ، ولے ٹیکنالوجی ٹی بھاز پدی ءِ، پرائمری، مڈل و سیکنڈری کہول آ انفارمیشن ٹیکنالوجی نا تعلیم نا مون آ دننگ آ چکار کننگ نا گرج ءِ۔ داخیال آتا درشانی ءِ او سے شنبے نادے آ ملٹری کالج آف سگنلز اٹی 28 می سند بشخنگ نا دود آن تران کرسا کرے۔ صدر مملکت پارے کہ فارغ مروک آ طالب علم آتے اوفتا سرسہبی آ مبارکبادی ایتیوہ۔ نسٹ دنیا نا گچین یونیورسٹی تیان اسٹ ءِ۔ اوپارے کہ اینو تینا تعلیم ءِ پورو کروک آ ورناتیکن آخبت نا عزم انا دے ءِ۔ او خواری اٹ تینا خاہوت و ملک انا گچینی ٹی اہم ءُ کڑد اس ادا کیرہ۔ پاکستان آبادی نا وڑاٹ دنیا نا پنچ می ملک ءِ ولے ٹیکنالوجی ٹی بھاز پدی ءِ۔ اوپارے کہ ننا چناتا بھلو کچ اس اسکول آتیان پیشن ءِ۔ مستین اٹ داباندات ءِ گوجالنگا ولے داسہ پرائمری ، مڈل و سیکنڈری کہول آ انفارمیشن ٹیکنالوجی نا تعلیم نا مون آ دننگ کن چکار کننگ نا گرج ءِ۔ اوپارے کہ پیشن نا ملک پاکستانی مزور آتا بھلو کچ اس خذمت سرتننگ ءِ۔ اگہ پاکستان اٹ زرکاری مسکہ و دبئی و سنگاپور نا وڑآ ماڑی تفنگاکہ تو دامخلوق روزگار کن پیشن ہنتورہ۔ ہندا وڑ 70 آن 90 نا دہائی ٹی بڑزکو تعلیم دوئی کروک آ پروفیشنلز آتے ملازمت آتا جوان وارخواہی دوئی اف ہرانا سوب آن اوفتے ملازمت آتا دوئی کننگ کن پیشن نا ملک آ ہنوئی تما۔ اوپارے کہ اشارہ غاتا زبان نا زند اٹی اہم ءُ کڑد اسے۔ 70 درسد مخلوق اشارہ غاتا زبان ءِ پہہ مریرہ۔ صدر مملکت پارے کہ اینو نا صحافت اخلاقی وڑاٹ زوال پذیر ءِ۔ ڈاکٹر عارف علوی پارے کہ او وار وار ٹیکنالوجی نا وسیلہ غاتیان فائدہ ہرفنگ نا گرج آ زور شاغانے انتئے کہ آخبت اٹ ہمو قوم واکدار مریک ہرا دنیا ٹی گچین ٹیکنالوجی آن فائدہ ہرفک۔ داوخت آ صدر مملکت ڈاکٹر عارف علوی فارغ مروک آ طالب علم آتیٹی سند بشخا۔ طالب علم آتے چندی بشخ آتیٹی شاندار کارکڑد نشان تننگ چندی ایوارڈ تننگا۔ دا ایوارڈآتیٹی پریذیڈنٹ گولڈ میڈل ایوارڈ، چیف آف آرمی اسٹاف ایوارڈ، چانسلر سول میڈل تننگا۔ کیپٹن احسن بلال طارق پریذیڈنٹ گولڈ میڈل ایوارڈ و چیف آف آرمی اسٹاف ایوارڈ ہڑتوم آتے دوئی کرے۔
