کوئٹہ۔ 07 دسمبر (اے پی پی) گورنر بلوچستان سید ظہور احمد آغا تون ڈائریکٹر جنرل تعلقات عامہ ، ڈی جی پی آر اورنگزیب کاسی اوڑدہی کرے ہراٹی گورنر بلوچستان سید ظہور احمد آغا پارے کہ ڈیجیٹل انفارمیشن ٹیکنالوجی نا منٹ منٹ آ بدل مروک دنیا ٹی میڈیا اسہ گچین ءُ سلہہ سے دارداٹ نظامت تعلقات عامہ حکومت بلوچستان ءِ پوسکن آ خواست آتون ہم گرنچ کننگ کن انقلابی گام گیج ہرفنگ نا سخت گرج ءِ، صحافت ریاست نا چارمیکو تمبہ ءِ و ساڑی حکومت آجوئی سلاہ درشانی آ پورو یخین تخک۔ میڈیاپرسنز آتا سرسہبی داٹی ءِ کہ تعلقدار بندغ تینا کاریم نا کچ ءِ ودفنگ تون اوار اوار پوسکن آ ٹیکنالوجی آن پبی فائدہ ہرفے۔ نن پیپر لیس فیوچر اٹ داخل مننگ والا اُن ہراٹی نن کاغد و قلم نا کلچر آن نجات دوئی کینہ ہنداخاطرآن غٹ ءِ ڈیجیٹل میڈیا تون گنڈوئی مریک۔ اوپارے کہ ڈی جی پی آر نا غٹ لائخ آفسیرآک انٹرنیشنل و نیشنل کہول آ ملک و صوبہ نا مثبت دروشم ءِ تالان کننگ اٹ تینا بشخ انا پبی کڑد ءِ ادا کیر۔ دا حقیقت ءِ کہ نظامت تعلقات عامہ ٹی نئے بیرہ نوشتہی و عکسی مواد بڑزکو آب آ جوڑ مریک بلکن الس ءِ تازہ حالیت واقعہ غاتیان باخبر تخنگ اٹی ہم اونا یکتا ءُ ہند اسے۔ تعلقات عامہ نا آفیسر آک پرنٹ و لیکٹرانک میڈیا آن بیدس سوشل میڈیا غا ہم سرسہب مسنو ہرا ستاکڑزک۔ گورنر بلوچستان مستی پارے کہ ڈیجیٹل انفارمیشن ٹیکنالوجی نا منٹ منٹ بدل مروک دنیا ٹی میڈیا اسہ گچین ءُ سلہہ سے دا چرجوئی ٹی نظام تعلقات عامہ حکومت بلوچستان ءِ پوسکن آ خواست آتون ہم گرنچ کننگ کن انقلابی گام گیج کننگ نا سخت گرج ءِ۔ اوپارے کہ صحافت ریاست نا چارمیکو تمبہ ءِ و ساڑی حکومت آجوئی سلاہ درشانی آ پورو یخین تخک۔
