اسلام آباد۔ 07 دسمبر (اے پی پی) پاکستان ریلوائی نا کنڈآن ای پروکیورمنٹ سسٹم نا پائلٹ پروجیکٹ نا بناءِ کننگانے و تیجاری پاکستان تون معاہدہ طے مسنے۔ بنجائی وزیر ریلوائی اعظم خان سواتی پاکستان ریلویز اٹی ای پروکیورمنٹ سسٹم نا پائلٹ پروجیکٹ نا بناءِ کرے ہرا کنٹریکٹ تننگ نا عمل اٹ شفافیت ءِ پک کننگ اٹ کمکار مریک۔ داپائلٹ پروجیکٹ نا بابت تیجاری پاکستان تون معاہدہ کننگانے۔ پاکستان ریلوائی و تیجاری پاکستان نا نیام اٹ اسلام آباد اٹی معاہدہ آ دستخط نا دود اس اڈ ہلک۔ دا وخت آ بنجائی وزیر ریلوائی اعظم خان سواتی ، جنرل مینجر تیجاری پاکستان سید عثمان حسن و تیجاری پاکستان نا انتظامیہ ریلوائی پاکستان نا اہم کمامدارآک ہم ساڑی ئسر۔ دود آن تران کرسا بنجائی وزیر ریلوائی اعظم خان سواتی نا پاننگ ئس کہ وزیراعظم پاکستان عمران خان نا گڈ گورننس و ڈیجیٹل پاکستان نا وژن نا رداٹ پاکستان ریلویز پروکیورمنٹ نا عمل ءِ شفاف، گچین و آسان جوڑ کننگ نا کاریم نابناءِ کرینے۔ اومستی پارے کہ حکومت احتساب، شفافیت و الس ءِ ریلیف نا فراوانی آ چکار تننگ ءِ و ہندا چرجوئی ٹی ای گورننس نا کنڈآ عملی پیش رفت کرینے۔ بنجائی وزیر پارے کہ پاکستان ریلوائی نا کنڈآن ای پروکیورمنٹ نا بنااست بڈ ءِ انتئے کہ ارب آ روپئی نا بھلو زر اس ڈٹ و ہڑدے نا ہلنگ آتیٹی اوار مریک و آخبت اٹ ہم پاکستان ریلوائی مالی و انتظامی امور اٹ گچینی اتنگ کن پین گام گیج کیک۔ ای پروکیورمنٹ آ پائلٹ پروجیکٹ نا داسرسہب بنااتون، پین پبلک سیکٹر ادارہ غاتا است بڈی ءِ کننگک کہ او دانا پیروی ءِ کیر و تینا پروکیورمنٹ بجٹ ءِ شفاف کیر و وزیراعظم عمران خان نا وژن نارداٹ 100 درسد آڈٹ ٹریل دوئی کننگ کن پین کوشست کیر۔ داوخت آ ہیت کرسا تیجاری پاکستان نا جنرل مینجر سید عثمان حسن نا پاننگ ئس کہ تیجاری پاکستان ای پروکیورمنٹ سلیو شنز دوئی کننگ اٹ اہم ءُ حیثیت اس تخک۔ و پاکستان اٹ نیشنل ہائی وے، پاکستان پٹرولیم لمیٹڈ، یونائیٹڈ بینک لمیٹڈ، پنجاب سکلز ڈویلپمنٹ پروگرام، اورئینٹ پٹرولیم و میریٹ و پرل کانٹیننٹل ہوٹل آتون اوار پبلک و پرائیویٹ ادارہ غاتون اوار کاریم کننگ انگ ءِ۔
