اسلام آباد۔ 07 دسمبر (اے پی پی) بنجائی وزیر انسانی حق ڈاکٹر شیریں مزاری پارینے کہ پروٹیکشن آف جرنلسٹس اینڈ میڈیا پروفیشنلز ایکٹ 2021صحافی تتون اوار غٹ میڈیا پروفیشنلز آتیکن ءِ، ایکٹ نا بابت فوٹو گرافرز و ویڈیوجرنلٹس آتا گڑتی تیان معلومدار اُن، اوفتے زوت مرکینہ، بل جوڑ کننگ نا وخت آ اونا غٹ اسٹیک ہولڈرز بشمول صحافتی تنظیم و پنی آ و سینئر صحافی تتون سلابت کننگاسس، داٹی ایلو سلوک آ سقم ءِ ہم قاعدہ و ضابطہ جوڑ کننگ نا وخت اسٹیک ہولڈر آتا سلابت اٹ مُر کننگک، اسہ کانود اس ہم پورو مفک اوٹی ترمیم نا گنجائشت مریک۔ داخیال آتا درشانی ءِ او نیشنل پریس کلب اسلام آباد اٹی پروٹیکشن آف جرنلسٹس اینڈ میڈیا پروفیشنلز ایکٹ 2021 نا بابت اڈ ہلوک دود آن تران کرسا کرے۔ بنجائی وزیر پارے کہ دا ایکٹ دونیم سال انادے و نن خواری و غٹ اسٹیک ہولڈر آتا سلابت آن پد منظور کننگانے، ویڈیو جرنلسٹس و فوٹو جرنلسٹس نا گڑتی تیان معلومدار اُن ، ایکٹ اٹ سلوک آ کانودی سقم ءِ اسٹیک ہولڈر آتا پین سلابت آن پد رولز جوڑ کننگ نا وخت آ مرکننگک، دانا تیاری ٹی وزیراعظم عمران خان نا کنڈآن پورو سپورٹ دوئی ئس و اوہراڑاند ءِ مر کننگ اٹ کمک فراوان کرے وخت اس کہ بل انا تیاری ٹی بنجائی وزیر حوالکاری فواد حسین چوہدری نا خاص کوشست و مچ آ کابینہ نا است خواہی ہم اوار ئس۔ داوخت آ پی ایف یو جے نا سیکرٹری ناصر زیدی، پی ایف یو جے نا مسکوہی صدر افضل بٹ، صدر این پی سی شکیل انجم، سیکرٹری انور رضائسک ہم تران کریر۔ دود اٹی صحافتی تنظیم تا نمائندہ، سینئرصحافی ، فوٹو جرنلسٹس و ویڈیو جرنلسٹس نا بھلو کچ اس بشخ ہلکر۔
