اسلام آباد۔ 07 دسمبر (اے پی پی) فیڈرل بورڈ آف ریونیو پراپرٹی نا ایلیو ایشن نا بابت غاوتا ازالہ کن اسٹیٹ بینک انا چوٹی نا ویلیو ایشن چاہندار آتیان کمک ہلنگ نا فیصلہ کرینے۔ ترجمان ایف بی آر تینا اسہ بیان اسے ٹی پارینے کہ ایف بی آر نا کنڈآن ساڑی آ پراپرٹی ویلیو ایشن بھاز خوڑتی و فیلڈ فارمیشن نا سلابت آن پد مقرر کننگا۔ پراپرٹی نا ویلیو ٹی ودکی دنیا ٹی رائج گچین وڑووڈول ءِ تینا کرسا مارکیٹ نہاد نا خڑک تر کننگانے۔ ولے ایف بی آر ءِ چندی حلقہ غاتیان غاو رسینگانے ہراٹی ایف بی آر نا پراپرٹی ویلیو ایشن ءِ مارکیٹ نہاد آن زیات پاننگانے۔ ترجمان پارے کہ دا چرجوئی ٹی غاوتے چٹفنگ کن ایف بی آر اسٹیٹ بینک آف پاکستان نا ٹاپ ویلیو ایشن چاہندار آتیان کمک ہلنگ نا فیصلہ کرینے ہراکہ غٹ اسٹیک ہولڈر بشمول رئیل اسٹیٹ ایجنٹس و ٹاؤن ڈیویلپرز آتون سلابت کیک و انفرادی وڑاٹ کیس آتا جاچ ءِ ہلنگ آن پد تینا سلاہ و سوج آتے پیش کیک تانکہ ہروڑنا غلطی ءِ مر کننگ کے و پراپرٹی نا ویلیو ءِ مارکیٹ نہاد نا خڑک تر کننگ کے۔
