میانوالی۔ 07 دسمبر (اے پی پی) بنجائی وزیر سیفران صاحبزادہ محبوب سلطان گرلز کمیونٹی ماڈل ہائی اسکول اوغان مہاجر کیمپ کوٹ چاندنہ میانوالی نا ودکی ڈٹ انا بناءِ کرے ہرا حکومت پاکستان و یو این ایچ سی آر نا کمک اٹ 28 ملین روپئی نا خڑچ آن پورو مس۔ اسکول اٹ 8 کلاس روم، اسہ اسٹاف روم و 6 واش روم آتیان بیدس اسکول نا چار دیوالی اوار ءِ۔داوخت آ یواین ایچ سی آر نا کنٹری ری پریزینٹیٹو لوریکا ، چیف کمشنر اوغان مہاجرسلیم خان، کمشنر ہیڈ کوارٹر فریداللہ خان و کمشنر اوغان مہاجرپنجاب مظہر یاسین وٹوئسک ہم ساڑی ئسر۔ بنجائی وزیر سیفران صاحبزادہ محبوب سلطان داوخت آتران کرسا پارے کہ حکومت مہاجر آتا راجی آسراتی کن کوشست کننگ ءِ دا چرجوئی ٹی یو این ایچ سی آر و ایلو ڈونر ایجنسی تیان ہم کمک ہلنگ انگ ءِ۔ اوپارے کہ حکومت مہاجر آتے ہرممکن آسراتی فراوان کننگ کن غٹ وسیلہ غاتے کاریم اٹ اتنگ ءِ۔ داوخت آ صاحبزادہ محبوب سلطان پاک چین سنگتی نا بابت حکومت چین نا کنڈآن مون تروک راشن بیگ آتے ہم اوغان مہاجر آتیٹی بشخا۔ دود انا ایسر آ ڈسٹرکٹ ایڈمنسٹریٹر اوغان مہاجر کیمپ اشتیاق حسین غٹ مہمان و تعلقدار ادارہ غاتا منت واری ءِ ہرفے۔

متعلقہ مضامینمصنف کی طرف سے مزید