اسلام آباد۔ 07 دسمبر (اے پی پی) اسپیکر قومی اسمبلی اسد قیصر پارینے کہ پاکستان نا سول سوسائٹی جمہوریت نا سوگوی و ملکی شونداری ٹی اہم ءُ کڑد اس ادا کرینے، پارلیمنٹ جمہوریت ءِ سرسہبی اٹ شون ہلسا ہُننگ خواہک۔ سے شنبے نادے آ ڈیموکریسی رپورٹنگ انٹرنیشنل ، ڈی آر آئی نیشنل کانفرنس آن تران کرسا اوڈی آر آئی قومی کانفرنس نا اڈتننگ نا ستاءِ کرے و پارے کہ سول سوسائٹی نا کاریم راج اٹ بے حد اہمیت تخک۔ حکومت سول سوسائٹی اتون پبی کمک کننگ ءِ، پارلیمنٹ اٹ چناتا گچینی کن کانود جوڑ مننگ ءِ، اسلام آباد اٹ چناتا تعلیم تون اوار اوار شیلٹر ہوم ہم جوڑ کننگ انگ ءِ۔ قومی اسمبلی ٹی اسہ کمیٹی اس جوڑ کننگا ہرا داڑآ کاریم کننگ ءِ، کمیٹی ٹی غٹ پارٹی تا نمائندگی ءِ، گچین کاری اصلاحات آن پد جمہوریت ءِ پین سوگوی ملک۔ اوپارے کہ سول سوسائٹی ءِ اسہ جاگہ غا یکجا کرسا اوفتا لائخی نا رداٹ موقع تننگے ہراڑکن پارلیمنٹ نا درگہ ملوکءِ۔
