اسلام آباد۔ 07 دسمبر (اے پی پی) بنجائی وزیر حوالکاری و شینکاری چوہدری فواد حسین سے شنبے نادے آ پاکستان اٹی سری لنکا نا ہائی کمشنر موہن ویجے وکرماتون اوڑدہی کرے و سری لنکا نا شاری اتون سیالکوٹ اٹی پیش بروک آ واقعہ غا است ہسونی نا درشانی ءِ کرے۔ بنجائی وزیر حوالکاری سری لنکا ناہائی کمشنر ءِ سانحہ سیالکوٹ آن پد حکومت نا کنڈآن چست کروک آ گام گیج آتیان معلومدار کرے۔ اوپارے کہ سیالکوٹ واقعہ نا مچ آ ملک اٹی مذمت ءِ کننگانے، سانحہ سیالکوٹ اٹ اوار غٹ دوبہ دار آتے دزگیر کننگانے۔ داوخت آ سری لنکن ہائی کمشنر حکومت پاکستان نا گام گیج آتیا است جمی نا درشانی ءِ کرسا پارے کہ سانحہ سیالکوٹ آن ہڑتوم آ ملک آتا تعلقداری آ اثر تمپک۔
