اسلام آباد۔ 07 دسمبر (اے پی پی) وزیراعظم نا ترجمان و خصوصی کمکار سیاسی ابلاغ ڈاکٹر شہباز گل پارینے کہ سانحہ سیالکوٹ آ مچ آ قوم شرمندہ ءِ، سری لنکا نا الس کن ہر پاکستانی نا است اٹی خاص مہرومریبت ءِ ، پاکستانی الس مشکل نا داساہت اٹ پریانتھاکمارا و اونا خاہوت تون سلوک ءِ۔ داخیال آتا درشانی ءِ او اسلام آباد اٹی سری لنکن ہائی کمشنر تون گپ وتران کرسا کرے ہراسے شنبے نادے آ داڑے اوڑتون اوڑدہی کرے۔ اوڑدہی ٹی ڈاکٹر شہباز گل سری لنکن ہائی کمشنر موہن ویجے ویکراما تون سانحہ سیالکوٹ اٹی زوال کروک آ پریانتھاکمارا کن ہڑزخواہی کرے۔ داوخت آ ڈاکٹر شہباز گل پارے کہ دا سانحہ غا مچ آ قوم شرمندہ ءِ، سری لنکا نا الس کن ہر پاکستانی نا است اٹی مہرومریبت ءِ۔ پاکستانی الس مشکل نا داساہت اٹی پریانتھا کمارا و اونا خاہوت تون سلوک ءِ۔ جلہو اٹی اوار درندہ صفت انسان تا عمل آ ہرپاکستانی غم و غصہ نا درشانی ءِ کرینے۔ خصوصی کمکار پارے کہ مچ آ دنیا غان اوورسیز پاکستانیک ہم سری لنکن الس تون ہڑزخواہی و معذرت کرینو۔ وزیراعظم پاکستان پنجاب حکومت ءِ دوبہ دار آتا زوت دزگیری و عبرتناک سزاترفنگ نا پارت کرینے۔ اوپارے کہ 132 بندغ آتے دزگیر کرسا 27 مرکزی دوبہ دار آتے دزگیر کننگا، ہرافتے دہشت گردی نا عدالت اٹ پیش کننگانے۔ انتہاپسند زموار آتا ہچ ءُ مذہب اس مفک، داوڑنا مخلوق انسانیت ءِ شرمندہ کیک۔ وزیراعظم پاکستان داکیس ءِ زوت ایسر اسکان سرکننگ کن پنجاب حکومت ءِ ماہر پراسیکیوشن نا ٹیم ءِ دا ٹاسک تننگ نا پارت کرینے۔
