آپ ءِ کمی ءُ گلوبل وارمنگ ءَ را گرء ُدار کنگ ءِ ھاترءَ گامگیج کنگ ءِ ضلورت اِنت  ، ملک مستر ڈاکٹر عارف علوی ءِ آپ ءِ کارمرزی ءِ اثرمندیں نظام ءِ سرءَ میاں اوستمانی کانفرنس ءَگوں 

اسلام آباد۔6دسمبر  (اے پی پی): ملک مستر ڈاکٹر عارف علوی ءَ آپ ءِ کمی ء ُ گلوبل وارمنگ ءَ را گرء ُدار کنگ  ءِ سرءَ گامگیج کنگ ءِ ضلورت ءِ سرءَ زور پِرداتگ ء ُ گشتگ کہ آپی آسراتی ءِ رکینگ ء ُ منیجمنٹ ءِ ھاترءَ گیش پٹء ُپول ءَ چہ جوانیں نتیجگ دیما کایاں، حکومت ملک ءِ تہا آپ ءِ گیش  بوتگیں  آپ ءِ جیڑہ ءَ را گیشء ُ گیوار کنگ ءِ ھاترءَ کوشست کنگ ءَ اِنت۔ آئی ءَ اے ھیالانی درشانی دوشمبے ءِ روچءَ آ پ ءِ کارمرزی ءِ جوانیں نظام ءِ سرءَ  بوتگیں میاں اوستمانی کانفرنس ءَ گوں تران کنان ءَ کتگ۔ کانفرنس ءِ تہا سائنس ء ُ ٹیکنالوجی ءِ بنجاہی وزیر سینیٹر شبلی فراز ، پاکستان کونسل آف ریسرچ ان واٹرریسوز ءِ چیئرمین ڈاکٹر محمد اشرف، انٹرنیشنل واٹر مینجمنٹ انسٹیٹیوٹ ءِ ڈائریکٹر جنرل مارک سمتھ، انسٹیٹیوٹ ءِ پاکستان ءَ نمائندگ ڈاکٹر محسن حفیظ، انٹرنیشنل واٹر مینجمنٹ انسٹیٹیوٹ ءِ باسک بورڈ آف ڈائریکٹرز سیمی کمال ءَ ہوار موسمیاتی ء ُ آپی زانتکار ہوار بوتگ اَنت۔ ملک مستر ءَ مراگش ءَ گوں تران کتگء ُ گشتگ کہ  سرجمیں دنیاءَ  راگلوبل وارمنگ ء ُ ایندگہ موسمیاتی جیڑہء ُ جنجالانی دیمپانی کنگ بوہگ ءَ اِنت، کشتء ُکشاری ءِ پڑءَ آپ ءِ گہتریں کارمرزی باز المی اِنت۔ آئی ءَ گشتگ کہ آپ ءَ را جوانیں وڑے ءَ کارمرز کنگ ءَ درست زمہ وار بہ بنت، کونیں وہداں تہذیب گوں دریاآنی ہمرائی ءَ روان بوتگ اَنت، بلوچستان ءَ بازیں کسانیں ڈیم جوڑ بوہگ ءَ اَنت، مرچی آپ ءَ را ری سائیکل کنگ ءِ ضلورت اِنت۔ آئی ءَ گشتگ کہ بلوچستان، تھرپارکر ء ُ چولستان ءَ  آپ ءِ جیڑہء ُجنجال اَست، کوئٹہ ءَ را سئے سال بیت کہ آپ ءِ کمی ءِ دیمپانی کنگ بوہگءَ اِنت۔