ملک ءَ آپ ءِ  گیش بوھوکیں  کمکی ءِ گر ءُ دار ءِ واستہ حکومتی ادارگ آنی یک  ءِ دومیگ ءِ گوما  کمک  لائک ءِ ستا انت، بنجاھی وزیر سائنس ءُ ٹیکنالوجی سینیٹر شبلی فراز ءِ آپ ءِ کارمرزی   ءَ را گیش گہتر کنگ ءِ ھوالگ ءَ  میاں اوستمانی کانفرنس ءَ گوں گشتانک

اسلام آباد۔6دسمبر  (اے پی پی): بنجاھی وزیر سائنس ءُ ٹیکنالوجی سینیٹر شبلی فراز ءَ گوشت کہ سرجمیں ملک ءَ آپ ءِ  گیش بوھویں ڈکال ءُ نیستی ءَ را گر ءُ دار کنگ ءِ واستہ  حکومت ادارگ آناں یک ءِ دومیگ ءِ گوما  کمک کنگ  لائک ءِ توسیپ ءُ ستا انت۔ آپ ءَ جیڈھ ءِ گویاری  حکومت ءِ اولی ترجی داتگیں کار آنی تہ ءَ ھوار انت، پاکستان موسمی مٹ ءُ بدلی ءَ چہ آماچ بوھوکیں 5 پنچمی ملک انت۔   ایشی ءَ گوں گر ءُ چیل بوھوگ  ءِ   واستہ مھکمیں  کوشست ءِ  ضلورت انت۔ حکومت ملکی ءُ میاں اوستمانی تک ءَ آپ ءِ جیڈھ آنی گیواری ءِ واستہ  راجی ءُ میاں اوستمانی ادارگ آنی گوما  کمک  کنت۔ اے ھیالانی درشانی آئی ءَ دو شمبے ءَ ادا  آپ ءِ  کارمرزی ءِ نظام ءَ میاں اوستمانی  کانفرنس ءَ  گوں گشتانک دیان  ءَ کت۔  کانفرنس ءَ صدر ءِ مملکت ڈاکٹر عارف علوی ءَ ابید پاکستان کونسل آف ریسرچ ان واٹر ریسورسز (ی سی آر ڈبلیوآر) ءِ چیئرمین ڈاکٹر   محمد اشرف، انٹرنیشنل واٹر مینجمنٹ انسٹیٹیوٹ  ءِ  ڈائریکٹر جنرل مارک سمتھ، انسٹیٹیوٹ  ءِ پاکستان ءَ  نماھندگ   ڈاکٹر محسن حفیظ، انٹرنیشنل واٹر مینجمنٹ انسٹیٹیوٹ ءِ  ممبر بورڈ آف ڈائریکٹرز سیمی کمال  ءَ ھوار موسمی ءُ آپ ءِ علم ءِ زانتکار ءُ شاہوکار  آنی مزنیں کساس ءِ بھر زوری کنگ  ءَ ات۔