اسلام آباد۔ 06 دسمبر (اے پی پی) وزیراعظم عمران خان سرسہب ورنا اسپورٹس ڈرائیو ءِ اینو(دوشنبے نادے آ) لانچ کیک۔ سرسہب ورناپروگرام نا میڈیا آفس آن جاری بیان نا رداٹ ملک انا غٹ آن بھلا ٹیلنٹ ہنٹ پروگرام نا لانچنگ دود جناح اسٹیڈیم اسلام آبادا ٹی مریک ہراڑکن ہزار آ اتھلیٹس و ورناک جناح اسٹیڈیم آ سرمننگ نا بناءِ کرینو۔ ایونٹ کن تیار کروک آ خصوصی ترانہ ءِ جاری کننگا۔ گلی آن گراؤنڈ اسکان فائنل راؤنڈ اسکان ترانہ نا توار ءِ۔ سروک سرسہب ورنا پروگرام عثمان ڈار ہم ترانہ نا شوٹنگ اٹ اوار۔ عثمان ڈار خصوصی ترانہ نا ویڈیو ءِ ٹویٹ کرینے۔ ترانہ ٹی گلی محلہ نا چناتے گوازی ٹی سرسہب مرسا نشان تننگانے۔ مرکزی دود انا بنایک بجہ اسکان مریک، کلچرل شو و پیراگلائڈنگ ہم مریک۔ بنجائی وزیر آک، وزیر مملکت آک، سلاہکارآک ، کمکارآک بشخ ہلیرہ۔ دود اٹی پاکستان نا جہانی شہرت یافتہ گوازی گر، انٹرنیشنل گوازی گر و اہم شخصیت آتے بٹنگ انگانے۔
