اسلام آباد۔ 06 دسمبر (اے پی پی) سپریم کورٹ مسکوہی وزیراعظم نواز شریف نا اُرائی ایماندار کلثوم نواز و صدر مسلم لیگ (ن) و قومی اسمبلی ٹی قائد حزب اختلاف شہباز شریف نا ودکی ویلتھ خراج نا بابت ایف بی آر نا کنڈآن دائر اپیل آتے خارج کرے۔ دوشنبے نادے آ جسٹس عمر عطابندیال نا کماشی ٹی مسہ باسکی بنچ باندات آسماعت کرے۔ سپریم کورٹ ایماندار کلثوم نواز و شہباز شریف نا ودکی ویلتھ خراج نا بابت ایف بی آر نا کنڈآن دائر اپیل آتے خارج کرسا گوندانے کہ ایماندار کلثوم نواز و شہباز شریف 1994 آن 1998اسکان ویلتھ خراج جمع کرفیر، ایف بی آر شہباز شریف و ایماندار کلثوم نواز ءِ ودکی ویلتھ خراج کن نوٹس جاری کریسس، ودکی واجبات آتا نوٹس ہم ویلتھ خراج جمع کرفنگ آن پد گد ریفنگا، ودکی ویلتھ خراج کن ڈیمانڈ نوٹس نا تننگ المی ءِ، ایف بی آر ایماندار کلثوم نواز و شہباز شریف ءِ ڈیمانڈ نوٹس گدریفنگ ءِ پک کننگ کتو۔ یات سلے کہ شریف خاہوت ایف بی آر نوٹس آتے لاہور ہائیکورٹ اٹ چیلنج کریسس، لاہور ہائیکورٹ ایف بی آر نا ودکی خراج نوٹس آتے کالعدم گونداسس اوکان پد ایف بی آر لاہور ہائیکورٹ نا فیصلہ ءِ سپریم کورٹ اٹ چیلنج کریسس۔
