اسلام آباد۔5دسمبر (اے پی پی): مزن وزیر ءِ ھاسیں کمکار برائے ورنا آنی کار عثمان ڈار ءَ ” کامیات ورنا اسپورٹس ڈرائیو” ءِ انتظامی کار آنی سر ءَ چار ءُ بچاری ءِ واستہ یک شمبے ءِ روچ ءَ جناح اسٹیڈیم ءِ تر ءُ تاب کت ءُ مزن وزیر عمران خان ءَ ورنا آں گوں گشتانک ءِ تیاری ءُ رکھینگی انتظامی آنی چار ءُ تپاسی گپت، اے موہ ءِ سر ءَ مزن وزیر ءِ سیکورٹی ٹیمب ءَ ھم انتظامی کا ر آنی چار ءُ تپاسی گپت، مزن وزیر عمران خان 6 دسمبر ءَ کامیات ورنا اسپورٹس ڈرائیو ءِ بنگیج ءَ کنت ءُ اے ھوالگ ءَ اسلام آباد ءِ جناح اسٹیڈیم ءَ مراگش ءِ واستہ انتظامی کار آناں سرجم کنگ بوھگ ءَ انت۔ مراگش ءَ ہزارانی اتھلیٹس یک شمبے ءِ روچ ءَ جناح اسٹیڈیم ءَ مراگش ءِ رئیل سل ءَ شریک بوھگ ءَ انت، سرجمیں جناح اسٹیڈیم ءَ را سمبھینگ بوتگ۔ مزن وزیر عمران خان “مشعل” روک کتگ ءُ کامیات ورنا اسپورٹس ڈرائیو گامگیج ءِ بنگیج کت، جناح اسٹیڈیم ءَ 40 ہزار ورنا شرکت کناں۔
