اسلام آباد۔5دسمبر (اے پی پی): مزن وزیر عمران خان ملکی تاریخ ءِ درستاں چہ مستریں گوازی کنگ ءِ مراگش کامیات ورنا اسپورٹس ڈرائیو ءِ بنگیج مرچی دوشمبے ءَ اسلام آباد ءَ بیت۔ ملکی تاریخ ءِ اولی رند ءَ کامیات ورنا پروگرام ءُ ہائر ایجوکیشن کمیشن ءِ شریکداری ءَ چہ ورنا آناں ایکسٹرا کالیکیولر گوازی ِ چست ءُ ایر آنی تہ ءَ دست گٹ کنگ ءِ واستہ چار ارب کلدار ءِ 4 نوکیں منصوبگ بندات کنگ بوتگ ایشی ءِ تہ ءَ کامیات ورنا اسپورٹس ڈرائیو وڑیں میگا پراجیکٹ ھم ھوار انت۔ پاکستان ءِ ھندی ٹیلنٹ ءَ را میاں اوستمانی تک ءَ موہ پجاری کنگ ءُ کامیات جوڑ کنگ ءِ واستہ منصوبگ ءِ اولی فیز ءَ 12 گوازی آں ھوار ، کرکٹ ، فٹ بال، ہینڈ بال ، ریسلنگ، ویٹ لفٹنگ، اسکواش ، والی بال، سکئی، جوڈو، پاکسنگ ءُ ایھلیٹکس ھوار انت۔ گامگیج ءِ تہ ءَ سرجمیں ملک ءَ چہ 11 ءَ بگر تاں 25 سال ءِ ورنا آں ھوار زالبولیں لیبی آنی مقابلی برجم دارگ بیت۔ لیب آنی تہ ءَ کامیاتی در جنوکیں ورنا آناں میاں اوستمانی کد ءُ بالادی کزبی ھیل کاری دیگ بیت۔
