لاہور۔4دسمبر (اے پی پی): بنجاھی وزیر برائے درئی کار مخدوم شاہ محمود قریشی ءَ گوشت کہ پولو ءَ را سرجمیں دگنیا ءَ را باز پسند کنگ بیت، اے میچ ما سفارتی یکوئی آناں گہتر کنگ ءِ واستہ لیب ءُ گوازی کتگ، میچ ءَ چہ دوئیں ملک آنی نیام ءَ یکوئی گہتر باں، پولو کلب گرائونڈ لاہور ءَ ھاسیں مہمان وزیر ء، درئی کار شاہ محمود قریشی ءَ میڈیا ءَ گوں تران کنان ءَ گوشت کہ سفیر اسلام آباد ءَ چہ ڈن در کپتگ انت ءُ وت چارگ ءَ آں، کہ پاکستان ءِ ماحول چتور انت، شاہ محمود قریشی ءَ گوشت کہ وھد ءِ ڈن ملک ءَ آیوکیں مردم ادا کاینت ءُ مئے مہنان نوازی ءَ چاراں گڈا آوانی لیکہ مٹ بیت، ما لوٹاں کہ پاکستان ءُ بھارت ءِ نیام ءَ یکوئی گہتر بہ باں، شاہ محمود قریشی ءَ گوشت کہ ما میچ سیریز لوٹاں۔ بلے انڈیا ءَ را وتی رویہ ءِ سر ءَ کشمیر ءِ جیڈھ ءِ سر ءَ چار ءُ بچار کنگ لوٹ ایت۔ پولو گرائونڈ لاہور ءَ پاکستان ءُ ارجنٹائن ءِ نیام ءَ میچ پنچ پنچ گول ءَ چہ برابر بوتگ انت، میچ ءِ گڈ ءَ بنجاھی وزیر درئی کار شاہ محمود قریشی ءَ لیبی آنی نیام ءَ داد بھر ءُ بانگ کت۔
