اسلام آباد۔4دسمبر (اے پی پی): مزن وزیر عمران خان ءَ گوشت کہ ورنا آناں لیب ءُ گوازی ءِ آسراتی پجاری کنگ حکومت ءِ اولی کار آنی تہ ءَ ھوار انت، ھندی تک ءَ لیب ءُ گوازی ءَ شرکت ءَ را دل یکیمی جوڑ کنان ءَ ازمکاریں ورنا آناں موہ پجاری کنگ بیت۔ اے ھیالانی درشانی آئی ءَ شمبے ءِ روچ ءَ ادا نینشل سپورٹس پالیشی ءُ پاکستانی سپورٹس بورڈ ءِ انتظامی کوکا ءِ نوک سر جوڑیشت ءِ بابت ءَ مزن تکی دیوان ءِ سروکی ءَ کنان ءَ کت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ اے موہ ءِ سر ءَ مزن وزیر ءَ گوشت کہ پاکستان سپورٹس بورڈ ریگولیٹر ءِ رد ءَ کارکنت، پاکستان سپورٹس بورڈ ورنا آناں لیب ءُ گوازی ءِ آسراتی ءِ پجاری ءَ دل یکیمی جوڑ بکنت۔ مزن وزیر ءَ گیش تران کنان ءَ گوشت کہ ملک ءَ لیب ءُ گوازی ءِ پڑ ءَ ورنا آنی بھر زوری ءَ چہ لیب ءُ گوازی ءِ کد ءُ بالاد گہتر بیت۔
