اسلام آباد۔ 03 دسمبر (اے پی پی) چیئرمین سینیٹ محمد صادق سنجرانی و ڈپٹی چیئرمین سینیٹ مرزامحمد آفریدی ئسک پارینو کہ حکومت پاکستان معذور بندغ آتا تعلیم و ملازمت آتا اسہ وڑ وارخواہی فراوان کننگ کن سرگرم ءِ۔ خصوصی بندغ آتا دے ءِ اڈتننگ ننا مسخت معذور بندغ آتا حق انا چرجوئی ٹی آگاہی ودی کننگ و راج اٹ اوفتا اہمیت و افادیت ءِ تالان کننگ ءِ۔ اوفک تینا جتا جتا کلہو آتیٹی پاریر کہ معذور آتے حق انا فراوانی راج انا بریبر و انصاف کن المی ءِ۔ پاکستان اٹ احساس پروگرام نا رداٹ معذور بندغ آتے درمان نا مفت آسراتی فراوان کننگ انگ ءِ۔ نن زند انا غٹ بشخ آتیٹی خصوصی بندغ آتے بریبر شونداری وارخواہی فراوان کننگ کن کوشست آتے ترند کین۔ اوفک پاریر کہ راج دابندغ آتا گرج آتے احساس ءِ کے و اوفتا گرج آتون مون تننگ کن پبی گام گیج کننگے۔ معذور آتے وتواجہ جوڑ کننگ کن گچین کانودی سازی کن کوشست کننگ اُن۔
