اسلام آباد ۔ 03 دسمبر (اے پی پی) پاکستان اٹ سعودی عرب نا سفیر نواف بن سعید المالکی نیول ہیڈکوارٹرز اسلام آباد نا دورہ ءِ کرے۔ جمعہ نادے آ ترجمان پاک بحریہ پارے کہ سعودی سفیر سروک پاک بحریہ ایڈمرل محمد امجد خان نیازی تون اوڑدہی کرے۔ اوڑدہی ٹی تین پہ تینی است خواہی نا امور و ہڑتوم آ کنڈآتا بحری کمکاری ءِ مون آ دننگ آ گپ وتران کننگا۔ ترجمان پاک بحریہ پارے کہ نیول چیف و شرفمند آ مہمان ڈیہہ نا میری ٹائم سیکورٹی حالیت آتیا گپ وتران کریر۔ سعودی سفیر نواف بن سعید المالکی ڈیہہ ٹی امن و سوگوی ءِ پک کننگ اٹ پاک بحریہ نا کڑد انا ستاءِ کرے۔

متعلقہ مضامینمصنف کی طرف سے مزید