چین پاکستان تون اواری اٹ سی پیک ڈٹ انا وخت آ پوروی و شونداری کن سنبرینگوکءِ، پاکستان اٹ تعینات چین نا سفیر نونگ رونگ نا ٹویٹ

اسلام آباد۔ 03 دسمبر (اے پی پی) پاکستان اٹ تعینات چین نا سفیر نونگ رونگ پارینے کہ چین، پاکستان تون اوار ی اٹ سی پیک نا ڈٹ انا وخت آ پوروی و بڑزکو آب شونداری ءِ مون آ دننگ کن سنبرینگوک ءِ۔ جمعہ نادے آ تینا سرکاری ٹویٹ اٹی سفیر پارے کہ چین، سی پیک نا شونداری ءِ مون آ دننگ کن وزیراعظم عمران خان نا عزم و کماشی نا ستاءِ کیک۔ سفیر مستی پارے کہ چین پاکستان تون اواری اٹ سی پیک نا وخت آ پوروی و بڑزکو آب انا شونداری ءِ مون آ دننگ کن کاریم کیک، داڑآن ہڑتوم آ ملک آتا الس ءِ فائدہ دوئی مریک۔