ملک انا چندی بشخ آتیٹی چوری و خصوصی بندغ آتے کن غٹ آسراتی تیا تالان بھلو بھلو کمپلیکس جوڑ کننگ نا بناءِ کننگ والااُن، اسپیکر قومی اسمبلی اسد قیصر

اسلام آباد۔ 03 دسمبر (اے پی پی) اسپیکر قومی اسمبلی اسد قیصر پارینے کہ ملک انا چندی بشخ آتیٹی چوری و خصوصی بندغ آتے کن غٹ آسراتی تیا تالان بھلو بھلو کمپلیکس جوڑ کننگ نا بناءِ کننگ والا اُن، پارلیمنٹ نا باسک آک تینا تینا علاقہ غاتے ٹی داوڑنا بھلو کمپلیکس جوڑ کننگ کن مون آ بریر و سیاست آن ایڑترمرسا الس نا خذمت ءِ کیر۔ بیورو کریسی ہم دا چرجوئی ٹی کمک کے۔ جمعہ نادے آ خصوصی بندغ آتا جہانی دے انا وخت آ پارلیمنٹ ہاؤس نا لان اٹی دود آن تران کرسا اسپیکر قومی اسمبلی اسد قیصر نا پاننگ ئس کہ تینا چنکی آن آسودہی کاریم تا شونق مسنے راج انا اختہ مروک آ تپہ غاتیکن اللہ کنے آن کاریم ہلک۔ اینو ای اسپیکر اُٹ تو پارلیمان نا درگہ خصوصی بندغ آتیکن ملوک ءِ۔ ملک انا چندی علاقہ غاتے ٹی خصوصی بندغ آتیکن منظم کاریم کننگ نا کوشست کننگ اُٹ ہمو چنا ہرافتا ہچ گہس اف اوفتے آسودہی تنظیمک خمب کرینو  ملک انا چندی علاقہ غاتے ٹی خصوصی بندغ وچوری تیکن بھلو بھلو کمپلیکس جوڑ کننگ نا بناءِ کرینن۔ وزیراعظم عمران خان ہم دے و نن اختہ مروک تپہ غاتے اوفتا نت تیا سلنگ نا ہیت کیک۔ کانود جوڑ کننگ اٹ ہراڑے کہ نزوری ارے پیدواری کننگے پارلیمان اوڑآ کانود سازی کیک۔ انٹرنیشنل این جی اوتا رجسٹریشن اٹ بھلو مشکل ارے۔ نن سیاست آن ایڑتر مرسا ملک و قوم اکن کاریم کننگ خوانہ۔ پارلیمنٹ نا باسک آک تینا تینا علاقہ غاتیٹی معذور آتیکن مون آ بریر ظلہ قیصر مسڑ اسپیکر اسد قیصر نا پاننگ ئس کہ دا پارلیمان نا منتواری ءِ کہ او معذور آتیکن تینا درگہ ءِ ملا  ساڑی آ پارلیمان معذور آتیکن بھاز جوان ءُ کانود سازی کرینے کورونا معذور آتے بھاز مشکل آتا گواچی کرینے۔ کورونا نا حالیت آتے مون آ تخسا معذور آتیکن خصوصی گام گیج کننگ نا گرج ءِ۔ معذور آتیکن بریل سسٹم نا سبخ نصاب اٹ بایدے اوار مرے۔ معذور آتے خصوصی معذور کارڈز ملنگ نا نظام بایدے ترند مرے۔نوکری تیٹی معذور آتا کوٹہ آ بایدے المی عمل مرے۔ پرنٹ و الیکٹرانک میڈیا غا معذور آتیکن آگاہی مہم اس چلفینگے ۔ ڈرائیونگ لیسن ہلنگ اٹ معذور آتے خصوصی آسراتی بایدے ملے۔ تحریک انصاف نا باسک قومی اسمبلی ظل ہما نا پاننگ ئس کہ وزیراعظم عمران خان و اسپیکر اسد قیصر ءِ مبارکبادی ایتیوہ کہ اوفک مدام اختہ مروک آ تپہ نا ہیت ءِ کرینو۔ اسپیکر قومی اسمبلی معذور آتا مشکل آتا ازالہ کن خصوصی ءُ کمیٹی اس جوڑ کرے۔ سی ڈی اے نا کنڈآن غٹ سرکاری ادارہ غاتیٹی ریمپس جوڑ کرفے ہسپتال آتیٹی معذور آتیکن ون ونڈو نا بناءِ کرفے۔ وزارت واپار نا کمک اٹ معذور آتیکن خراج فری گاڈی خواہفنگ نا پالیسی اس جوڑ کننگا۔ کارپارکنگ خصوصی وڑاٹ جوڑ کرفنگا۔ اسلام آباد نا معذور آتیکن خصوصی کانود جوڑ کننگا۔ ساڑی حکومت مچ آ ملک انا معذور آتا ڈیٹا ءِ یکجا کننگ نا بست وبند کرے۔ قومی اسمبلی نا ویب سائٹ ءِ بصارت آن محروم بندغ آتیکن عمل نا قابل جوڑ کننگا۔ پارلیمان اٹ معذور آتیکن خصوصی گیلری اس جوڑ کننگا۔ حکومت پاکستان نا معذور آتیکن کروک آ کوشست آتا جہانی کہول آ اعتراف ءِ کننگانے۔ دود آن پد اسپیکر اسد قیصر پارلیمان اٹ معذور آتیکن آسراتی تا بناءِ کرے۔