اسلام آباد۔2دسمبر (اے پی پی):صدر مملکت ڈاکٹر عارف علوی ءَ پارلیمنٹ ءَ چہ منظور کتگیں گچین کاری گہتری کار آنی بل ءِ سر ءَ دست چنگل جت انت۔ اے رد ءَ دست چنگل ءِ مراگش پنچ شمبے ءِ روچ ءَ ادا ایوان ءِ صدر ءَ برجم دارگ بوت ایشی ءِ تہ ءَ بنجاھی وزیر سائنس ءُ ٹیکنالوجی سینیٹر شبلی فراز، بنجاھی وزیر بنی آدمی ھک ڈاکٹر شیریں مزاری، بنجاھی وزیر وانگ ءُ زانگ ءُ کزبی کار ءُ ھیل کاری شفقت محمود، بنجاھی وزیر منصوبگ بندی ءُ دیمروئی کار اسد عمر، مزن وزیر ءِ مشیر برائے پارلیمانی کار ظہیر الدین بابر اعوان ءُ وزیر ءِ مملکت پارلیمانی کار علی محمد خان ءَ بھر زوری کت۔ صدر ءِ مملکت ءِ نیمگ ءَ دست چنگل جنگ ءَ چہ پد گچین کاری گہتری کار آنی کانود ءِ بل جوڑ بوتگ۔ ایشی ءِ چیر دستی ءَ ڈن ملک ءَ نندوکیں پاکستانی آناں ووٹ دیگ ءِ ھک دیگ بوتگ وھدیکہ آیوکیں گچین کاری ءَ ٹیکنالوجی ءِ کارمرزی کنگ بیت۔ اے رد ءَ وزارت ءِ سائنس ءُ ٹیکنالوجی ءَ پیسر ءَ چہ الیکٹرانک ووٹنگ مشین تیار کتگ انت۔
